Wednesday, April 25, 2012

කාම දෙවොල් | Temples of Erotica



ඛජුරාහෝ (Khajuraho) ඉන්දියාවේ මාධ්‍ය ප්‍රදේශයේ නව දිල්ලියට ගිනිකොන දෙසින් දෙසින් පිහිටි නගරයක් වන අතර ඉන්දියාවේ ප්‍රමුඛතම සංචාරක නැවතුමකි. එහි පුරාණ හින්දු හා ජෛන ආගමික දේවාල විශාල ප්‍රමාණයක් පිහිට ඇති අතර ඒවාහි ඇති කාමුක මුර්ති නිසා වඩාත් ප්‍රචලිතව ඇත. "ඛජුරවාහක" යන පැරණි වචනයෙන් බිඳී ආ - ඉඳි රැගෙන යන්නා යන අරුත් දෙන- ප්‍රදේශය බ්‍රිතාන්‍ය පාලන සමයේ නැවත සොයාගන්නා ලදී. වර්තමානය වන විට ඛජුරාහෝ යුනෙස්කෝ ලෝක උරුමයක් ලෙසද ඉන්දියාවේ පුදුම හතෙන් එකක් ලෙසද සලකයි.

චන්දෙලා රාජ්පුත්වරුන් (Chandel Rajput) නම් හින්දු රජ පරපුර ඉන්දියාවේ මේ ප්‍රදේශය 10 වැනි - 12 වැනි සියවස් අතර කාලයේ පාලනය කළ අතර ඛජුරාහෝ ඔවුන්ගේ සංස්කෘතික අගනගරය විය. මෙම කාම දේවාල වසර දෙසීයක කාලයක් (950 සිට 1050 දක්වා) තුල ඉදි කළ බවට සලකයි. වර්ග කිලෝමීටර 20ක් පමණ වෙන සම්පූරණ භූමියම වටකොට තාප්පයක්ද ඇතුල් වීමට දොරටු 8ක් ද ඒ දොරටු දෙපස තල් ගස් දෙක බැගින්ද තිබු එහි දේවාල 80ක් පමණ පැවති බව සඳහන් වුනත් දැනට යථා තත්වයෙන් පවතින්නේ දේවාල 25ක් පමණයි.

වැලිගල් (sandstone) වලින් නිමවූ මේ දේවාල ඇතුලත හා දෙවියන් අසල ලිංගික චර්යා පෙන්නුම් වන මුර්ති කිසිවක් අඩංගු වෙන්නේ නෑ. මෙසේ මුර්ති නිර්මාණය වීම ගැන විවිධ නිර්වචන තියනවා. එකක් තමයි දෙවියන් වන්දනා කිරීමට පැමිණෙන විට තමන්ගේ රාගික බව අත්හල යුතු බව පෙන්වීමට, තවත් නිර්වනයක් තමයි තාන්ත්‍රික ලිංගික හැසිරීම තුලින් දෙවියන් හා එක්විය හැකි හෝ ඒ තත්වයට ළඟා විය හැකි පෙන්වීමට (එක්තරා ආකාරයක කාම සුඛල්ලිකානු යෝගයක් ලෙස). මේ ආකාරයේ මුර්තිවලට අමතරව ආලේපන තවරන ගැහැනුන්, සංගීතවේදීන්, ගොවියන් ආදී අනෙක් එකල පොදු ඉන්දීය මිනිසුන් පිළිබිඹු වන මුර්තිද ඇත. සමහර වෙලාවට මේ දේවාල කාමසුත්‍ර දේවාල ලෙස හැඳින්වුවත් එහි නිවැරදිතාවක් නැහැ. වත්ස්‍යයනගේ දර්ශනය හා මෙහි පෙන්නුවන දෑ අතර වෙනස් කම් බොහොමයක් තියනවා. කෙසේ වුවත් මේවා ඉදි වූ කාලයේ තරුණයන් පුරුෂයන් ලෙස හඳුවන්නට පෙර බ්‍රහ්මචාරීව වාසය කර මේ මුර්ති ඇසුරින් තම ගෘහ ජීවිතය හැඩ ගස්වා ගන්නට ඇතැයිද විශ්වාසයක් ඇත.

සුනේත්‍රා රාජකරුණානායක ලියු මතක පොතේ මෙහෙම තියනවා,

"[The Thousand Years ලියු ආචාර්ය ශෝබිතා පුන්ජා] තර්ක කරන්නේ මේ කාම දේවල වලින් නිරුපනය වෙන්නේ ශිව පාර්වතී විවාහය වගයි. තවමත් මේ දේවල වලින් මාතංගේශ්වර දේවාලයේ සෑම දෙසැම්බරයකම සිව පාර්වතී විවාහය උත්සවාකාරයෙන් පවත්වනවා. මේ දේවාල කැප්ටන් බර්ට්ගේ [ඉංග්‍රීසි පාලන සමයේ ඔහු මේ භූමිය නැවත සොයා ගනියි] ඇහැ ගැහෙන කලෙත් මිනිස්සු දකුණු ඉන්දියාවේ ඉඳල පවා මේ මහා මංගල්‍යයට ඇවිත් තියනවා. හැමෝම සාමාන්‍ය මගුල් ගෙදරකට වගේ ත්‍යාගයක් අරගෙනයි එන්නේ.

"මාතංගේශ්වර දේවාලේ තියෙන ශිව ලිංගය මනාලයෙක් වගේ සරසල පාර්වතී පිළිමයකට විවාහ කරවන්නේ සියලු මංගල චාරිත්‍රත් එක්කයි. ආචාර්ය පුන්ජා මේ වාර්ෂික මංගල්‍ය යතුර හැටියට අරගෙන සිව පුරාණයෙන් හා වෙනත් පුරාණ ග්‍රන්ථ වලින් සාධක සපයමින් මේ විශ්වකර්ම මුර්තිවල රහස හෙළි කරනවා."

මේ දේවාල ඉදිකළේ ඇයිද යන ප්‍රශ්නයට සම්පූර්ණ නිවැරදි පිළිතුරක් නෑ, බොහෝ දුරට එහෙම පිළිතුරක් ලැබෙන එකකුත් නෑ. කොහොම වුණත් එයින් මෙහි ඓතිහාසික, කලාත්මක හා අධ්‍යාත්මක ගුණයට නම් කිසිම හානියක් නෑ. කවදාහෝ මේ දේවාල අතර ඇවිදමින් ඒවා නිපදවූ හැටි, චාරිත්‍ර ඉටුකළ හැටි, වන්දනා කළ ආකාරය ගැන සිතේ සිනමා පට යවමින් විඳගැනීමේ ආසාවක් තියනවා, බලමු සමහර විට එය සැබෑවක් වේවි.

අවවාදයයි : ඔය පහලින් තියන රූප බබාල නැත්තම් බබාල වෙන්න යන අය ඒත් නැත්තම් බබාල කියල හිතන් ඉන්න අය බලන්න එපා.

























11 comments:

  1. වටිනා ලිපියක්!!!

    //වැලිගල් (sandstone) වලින් නිමවූ මේ දේවාල ඇතුලත හා දෙවියන් අසල ලිංගික චර්යා පෙන්නුම් වන මුර්ති කිසිවක් අඩංගු වෙන්නේ නෑ. මෙසේ මුර්ති නිර්මාණය වීම ගැන විවිධ නිර්වචන තියනවා.//

    මින් අදහස් වෙන්නේ එවැනි මුර්ති දේවාලවලින් පිටත පමනක් තිබෙන බවද?

    //තාන්ත්‍රික ලිංගික හැසිරීම//

    තේරුම? දන්නේ නැති හන්දයි අහන්නේ...:)

    බබෙකුත් නෙමේ. බබෙක් වෙන්ට හදන කෙනෙකුත් නෙමේ. බබෙක් කියලා හිතාගන ඉන්න කෙනෙකුත් නෙමේ. ඒ හන්දා අර පින්තූරු ටික ඔක්කොම බැලුවා.:)))

    ReplyDelete
    Replies
    1. සමහර විට මේ ගැන වෙන්න පුලුවනි
      http://www.askmen.com/dating/love_tip/43_love_tip.html

      Delete
    2. //තාන්ත්‍රික ලිංගික හැසිරීම//

      තේරුම? දන්නේ නැති හන්දයි අහන්නේ...:)

      http://en.wikipedia.org/wiki/Neotantra

      http://www.care2.com/greenliving/tantric-sex-for-beginners-4-easy-tips.html

      Delete
    3. ඔව් ලිංගික චර්යා ඇතුලත් මුර්ති ඇත්තේ පිටත පමණයි.

      තාන්ත්‍රික ලිංගික කියන්නේ කායික අංශයට වඩා මානසික අංශයෙන් සුරතාන්තය ගැන බලන චර්යාවක්. ඔය තියන පාරෙන් ගිහින් වැඩි විස්තර බලන්න.

      Delete
  2. "වැලිගල් (sandstone) වලින් නිමවූ මේ දේවාල ඇතුලත හා දෙවියන් අසල ලිංගික චර්යා පෙන්නුම් වන මුර්ති කිසිවක් අඩංගු වෙන්නේ නෑ." පිටත තියෙනවා කියලද කියන්නෙ..?

    "කෙසේ වුවත් මේවා ඉදි වූ කාලයේ තරුණයන් පුරුෂයන් ලෙස හඳුවන්නට පෙර බ්‍රහ්මචාරීව වාසය කර මේ මුර්ති ඇසුරින් තම ගෘහ ජීවිතය හැඩ ගස්වා ගන්නට ඇතැයිද විශ්වාසයක් ඇත." ස්වයංවින්දනය වගේ දෙයක්ද?

    ReplyDelete
  3. 1995 වර්ෂයේදී, යුද හමුදා පාඨමාලාවක් හැදෑරීම පිණිස ඉන්දියාවට ගොස් සිටියදී, මට මේ දේවාලය නරඹන්නට හැකිවුනා. එහෙත් එහි ඡායාරූප ගන්නට බලධාරීන් ඉඩදුන්නේ නැහැ. ඉතා සියුම් මූර්ති රාශියක් මෙහි දැකිය හැකියි. ඒවා නැරඹීමෙන් ඇතිවන්නේ හුදු කාමුක රසයක් නොවෙයි. කාන්තාවන්ද මෙහි පැමිණ ඒ මූර්ති නරඹනවා. ඒ කිසි කෙනෙක් සිනාවෙන්නේ හෝ උසුළු විසුළු කරන්නේ නැහැ. මේ මූර්තිවල ඇති සියුම් නිර්මාණ රස විඳීමයි කරන්නේ. ස්ත්‍රී පුරුෂ කාම සම්භෝගය හැරුණු විට අසම්මත කාම සම්භෝගී ඉරියව් පෙන්වන මූර්තිද තිබෙනවා. මෙය මූර්ති කලාව හදාරන කෙනෙකු අනිවාර්යයෙන්ම බැලිය යුතු තැනක්.

    ReplyDelete
  4. වටින ලිපියක් හිරණ්‍ය...

    ReplyDelete
  5. මමත් මේ තැන ගැන පින්තූර දැකලා තිබ්බට වැඩි විස්තරයක් දැනන් හිටියේ නෑ.. ඒ ගැන හොයන්න උනන්දුවක් ආවෙත් නෑ ඇත්තටම.. ගොඩක් ස්තූතියි මේ ගැන ලිවුවට..

    ReplyDelete
  6. මම හිතන්නෙ මීරා නායර්ගෙ කාමසූත්‍ර චිත්‍රපටියෙත් වෙනත් චිත්‍රපටි කීපයකදිත් මම මේ චිත්‍ර දැකල තියෙනවා. ඇත්තටම ලොකු අධ්‍යාපනික වටිනාකමකුත් තියෙනවා. ;-)

    ReplyDelete
  7. මේක ගැන මන් වැඩියෙන්ම කියෙව්වේ සුනේත්‍රාගේ ප්‍රේම පුරාණය පොතෙන්

    ReplyDelete
  8. ලිපිය ඉතාම වැදගත්, ඒ වගේ මූර්ති කලාව හරිම විශිෂ්ඨයි.

    ReplyDelete