ලොකු සද්දයක් දාගෙන
රතු පලසක් උඩින් ඇවිදගෙන
දෙලොවටම වැඩක් නැති
කතාවක් පවත්වාගෙන
සම්මානයක් ගන්න
මමත් හරි ආසයි
පැපරාසි පස්සෙන් එද්දී
පත්තරෙන් සාකච්චා තියද්දි
රසිකයන්ට අත්සන් දෙද්දී
සම්මානයක් ගන්න
මමත් හරි ආසයි
සම්මානයක් එක්ක
ලොකු වටිනාකමක්
වටිනාකමත් එක්ක
ලොකු බලයක්
බලයක් එක්ක
ලොකු ශක්තියක්
එතකොට මම
මම, මම, මම
හැමෝටම ඉහලින්
සුළඟට පාවෙන මළ කොළයක් නොවී
රූස්ස ගහක පිපුණු මලක් වෙන්න
වේලුනු පොළවට ලා පොද වැස්සක්
ගොළු වුණු සිතට ආදර සිනහවක්
අනේ මටත් ආසයි
සම්මානයක්,
මටත් සම්මානයක් ලැබෙයිදෝ!
lassanai!
ReplyDeleteනියමයි නියමයි.. පහුගිය ටිකේ මේ පැත්තෙ එන්න බැරිවුනා...
ReplyDeleteමම උඹව නිර්දේශ කරනව හොරෙන්ම කනට ගැසීමේ දක්ෂයාට හිමි සම්මානෙට.... :)
සම්මානයක් එක්ක
ReplyDelete"ලොකු වටිනාකමක්
වටිනාකමත් එක්ක
ලොකු බලයක්
බලයක් එක්ක
ලොකු ශක්තියක්
එතකොට මම
මම, මම, මම
හැමෝටම ඉහලින්"
ඒ "මම" එක්ක ඉන්පසු ඔබ කරන්න බලාපොරොත්තු වෙන්නේ කුමක්ද?
හොඳ සාර්ථක කවියක් මිත්‍රයා.
@ඉන්දික: ස්තුතියි, :)
ReplyDelete@සාතන්: කමක් නෑ දැන් ආවනේ. හෙහේ, හොඳයි හොඳයි, ස්තුතියි. :)
@Outsider: ඒ "මම" නිර්මාණය වෙද්දී සැබෑ මම නැතිවෙලා යනවා, එතකොට ඉන්නේ මම අඳුරන්නෙවත් නැති "මම" කෙනෙක්.
බොහොම ස්තුතියි.
හැමෝටම ඉහලින්
ReplyDeleteලොකු වටිනාකමකින්
ඉන්න නුඹ
සැබෑ "මම" හිතේ රදවගෙන...
සාර්ථක් නිර්මාණයක් යාළුවා... හරිම අපූරුයි...
@Dinesh: ස්තුතියි යාළු.
ReplyDeleteනිකන්ම පිත්තල් සම්මානයකට වඩා
ReplyDeleteවටින් නැද්ද..වටේ ඉන්න යාළුවොන්ගෙ හිත්වල
සැබෑ යාළුවෙක් කියල ලැබෙන සම්මානය...
මට නම් වටින්නෙ ඒක.....
ලස්සන කවියක් මචං .. දැක්ක ගමන් හිත ගියා නියමෙට ගලපලා තියනවා ..
ReplyDelete@පිසාචයා: එකඟයි, මානුෂීය සම්බන්ධතා භෞතික දේවලින් මනින එකේ තේරුමක් නෑ.
ReplyDelete@හිස් අහස: ස්තුතියි සහෝ.
ලැබෙයි ලැබෙයි . . උත්සාහ කලොත් ලැබෙයි . .
ReplyDeleteහැබැයි සම්මානයක වටිනාකම පහත් කරන එකට නම් මම විරුද්ධයි . . .
සම්මාන අගයන හැටි ගැන විස්වාසයක් නැති නම් සහ තමන්ගේ වැඩ සම්මාන ගන්න තරම් ඉහල නෑ කියන විස්වාසයක් තියෙනවනම් තරඟ නොකර ඉන්න එක තම වඩා හොඳ!
@දුකා: අනිවාර්යයෙන්, උත්සහ කලොත් කරන්න බැරි දෙයක් නෑ.
ReplyDeleteසම්මානයක අගය ඉහල දැමීම මිස බාල කීරීම නම් කොහෙත්ම මගේ අරමුණ නෙමෙයි, මේ කවියෙන් උත්සහ කළේ සමහර සම්මාන ලබන හා ලබා දෙන ආකාරය ගැන යමක් කීම පමණයි.