හිමි වීම අතර නො ඇලීම | To Have and Not to Hold

සිසිර තුහින සමග නග්නව මුත්

සම මත පතිතව රශ්මි තරංග,

මාගේ අත්ල'හි ඇති ඔබේ හදවත

නොවෙනු ඇත කිසිවෙකුගේ

අනිත්‍ය නම් සදාකාලික බව 

ඇතුලත ගිලී ඇති තාක් විශ්වය

හාදුවක් තබා සපථ කරන්නම්

නොවන බව කිසිවිටක ඔබ මාගේ

දුරින් හිඳ විඳගන්නට සතුට

තාවකාලික අවස්ථාවක් අත'තිවත්

අවසානයේ සියල්ල නිස්සාර හෙයින්

ඉතිරිව මෛත්‍රී ශාන්තිය පමණක්ම

අග්නි චක්‍රයෙන් මිදී අවුත්

බලත්ම අප අපම දෙස

හිමි වූවත් නො ඇලෙමි නුඹහට 

අත්හල බැවින් මා මාවම